Ինչպես ընտրել գույներ Ձեր վեբ էջերի և վեբ կայքերի համար:
Ի սկզբանե Ձեր վեբ կայքի բովանդակությունը պիտի թելադրի այն գույները, որոնք Դուք կօգտագործեք Ձեր վեբ կայքի համար: Առաջնային և ֆոնի գույները պետք է գտնվեն կոնտրաստի մեջ: Բաց գույնի ֆոնը շատ հարմար է, երբ տեքստը գրված է մուգ գույներով: Սա ստեղծում է լավ կոնտրաստ և լավ է նայվում, հատկապես այն կայքերի համար, որտեղ կա շատ տեքստային մաս: Կարելի է նաև օգտագործել գույների հակառակ սխեման` մուգ ֆոնի գույն և բաց տեքստային գույներ: Կայքի տարբեր բաժինների գույները պետք է ներդաշնակ լինեն: Գույների հետ աշխատելիս պետք է ստեղծել բալանս` դարձնել կայքը մի ամբողջություն, քան բաժանել(վիզուալ ձևով) այն  տարբեր գույներով: Պետք է խուսափել նկարների և գրաֆիկայի չափազանց մեծ քանակությունից: Այցելուները գալիս են Ձեր վեբ կայք ինֆորմացիայի, այլ ոչ կայքի տեսքի համար: Չնայած գոյություն ունեն շատ բացառություններ: Օրինակ նկարիչների կամ նորաձևության դիզայներների վեբ կայքը պետք է լինի գրավիչ: Բայց ամեն դեպքում խուսափեք չափազանց շատ նկարներ օգտագործելուց, քանի որ դրանք դանդաղեցնում են վեբ էջերի աշխատանքը և ունեն զրո արժեք որոնման համակարգերի համար: Օգտագործեք նկարներ միայն այն ժամանակ, երբ դրանք անհրաժեշտ են բովանդակությանը: